(1915*) Mrs Barbours’ Army by Alistair Hulett

If I could marry a song it would probably be this one. Alistair Hulett on fine form writing about Mary Barbour and the Glasgow Women’s rent strike at the start of the 1914-1918 war.

Mrs Barbour’s Army by Alistair Hulett

In the tenements o’ Glesga in the year one nine one five
It was one lang bloody struggle tae keep ourselves alive
We were coontin’ oot the coppers tae buy wor scraps o’ food
When the landlords put the rent up just because they could
A’ the factories were hummin’, there was overtime galore
But wages they were driven doon tae subsidise the war
Oot came Mrs. Barbour from her wee bit single end
She said, I’ll organise the lassies if I cannae rouse the men

‘Cos I’m from Govan and your from Partick
This one here’s from Bridge o’ Weir and they’re from Kinning Park
There’s some that’s prods, there’s some that’s catholic
But we’re Mrs. Barbour’s Army and we’re here tae dae the wark

Mrs. Barbour made a poster sayin’, We’ll no’ pay higher rent
Then she chapped on every door of every Govan tenement
She said, Pit this in the windae when you hear me bang the drum
We’ll run oot an’ chase the factor a’ the way tae kingdom come
When the poor wee soul cam roon’ he was battered black and blue
By a regiment in pinnies that knew just what tae do
Mrs. Barbour organised the gaitherin’ o’ the clans
And they burst oot o’ the steamie armed wi’ pots an’ fryin’ pans

Mrs. Barbour’s Army spread through Glesga like the plague
The maisters got the message and the message wisnae vague
While our menfolk fight the Kaiser we’ll stay hame & fight the war
Against all the greedy bastards who keep grindin’ doon the poor
If ye want tae stop conscription stand and fight the profiteers
Bring the hale big bloody sandpit crashin’ doon aroon’ their ears
We’ll no’ starve, said Mrs. Barbour, While the men we care for ain
Are marchin aff to hae their heart’s blood washed like water doon a drain

Well it didnae take the government that lang tae realise
If you crack doon on the leaders then the rest will compromise
They arrested Mrs. Barbour and they clapped her in the jile
Then they made an awfy big mistake, they let her oot on bail
She called men out the factories on the Clyde and on the Cart
They marched up tae the courthoose sayin’, We’ll tear the place apart
Mrs. Barbour’s Army brought the maisters tae their knees
Wi’ a regiment in pinnies backed by one in dungarees